Mississippi

Mississippi
Flag of Mississippi.svg Coat of arms of Mississippi.svg
bandera de Misisipi (es) Traducir, bandera de Misisipi de 1894 (es) Traducir y ensin valor
Alministración
PaísBandera de Estaos Xuníos d'América Estaos Xuníos d'América 22
ISO 3166-2 US-MS
Tipu d'entidá Estaos d'Estaos Xuníos
Capital Jackson
Gobernador de Mississippi Tate Reeves (MS, Miss.)
Nome llocal State of Mississippi (en)
Llingües oficiales inglés
División
ver
  • condáu d'Adams, condáu d'Alcorn, condáu d'Amite, condáu d'Attala, condáu de Benton, condáu de Bolivar, condáu de Calhoun, condáu de Carroll, condáu de Chickasaw, condáu de Choctaw, condáu de Claiborne, condáu de Clarke, condáu de Clay, condáu de Coahoma, condáu de Copiah, condáu de Covington, condáu de DeSoto, condáu de Forrest, condáu de Franklin, condáu de George, condáu de Greene, condáu de Grenada, condáu de Hancock, condáu de Harrison, condáu de Hinds, condáu de Holmes, condáu de Humphreys, condáu d'Issaquena, condáu d'Itawamba, condáu de Jackson, condáu de Jasper, condáu de Jefferson, condáu de Jefferson Davis, condáu de Jones, condáu de Kemper, condáu de Lafayette, condáu de Lamar, condáu de Lauderdale, condáu de Lawrence, condáu de Leake, condáu de Lee, condáu de Leflore, condáu de Lincoln, condáu de Lowndes, condáu de Madison, condáu de Marion, condáu de Marshall, condáu de Monroe, condáu de Montgomery, condáu de Neshoba, condáu de Newton, condáu de Noxubee, condáu d'Oktibbeha, condáu de Panola, condáu de Pearl River, condáu de Perry, condáu de Pike, condáu de Pontotoc, condáu de Prentiss, condáu de Quitman, condáu de Rankin, condáu de Scott, condáu de Sharkey, condáu de Simpson, condáu de Smith, condáu de Stone, condáu de Sunflower, condáu de Tallahatchie, condáu de Tate, condáu de Tippah, condáu de Tishomingo, condáu de Tunica, condáu d'Union, condáu de Walthall, condáu de Warren, condáu de Washington, condáu de Wayne, condáu de Webster, condáu de Wilkinson, condáu de Winston, condáu de Yalobusha y condáu de Yazoo
Xeografía
Coordenaes 33°N 90°O / 33°N 90°O / 33; -90Coordenaes: 33°N 90°O / 33°N 90°O / 33; -90
Mississippi in United States.svg
Superficie 125443 km²
Llenda con Louisiana, Arkansas, Tennessee y Alabama
Puntu más altu Woodall Mountain (es) Traducir
Puntu más baxu Golfu de Méxicu
Altitú media 91 m
Demografía
Población 2 961 279 hab. (1 abril 2020)
Densidá 23,61 hab/km²
Viviendes 1 116 649 (31 avientu 2020)
Más información
Estaya horaria UTC−06:00, Hora Estándar Central y América/Chicago
Fundación 10 avientu 1817
ms.gov
Cambiar los datos en Wikidata

Mississippi ye un estáu de los Estaos Xuníos, asitiáu al sur del país, na subrrexón Centru Sureste. L'estáu, que ye'l 32ᵘ mayor del país, llenda al norte con Tennessee, al este con Alabama, al sur col Golfu de Méxicu, y al oeste con Louisiana y Arkansas. La so población, según el censu de 2015, yera de 2.992.333 persones, que faen d'elli el 34ᵘ más pobláu del país. La so capital, y mayor ciudá, ye Jackson (160.628 habitantes en 2019[1]), y la so área metropolitana, conocida col nome de Greater Jackson, ye la mayor del estáu, con una población en 2019 de 594.806 habitantes[2].

Mississippi convirtióse, el 10 d'avientu de 1817, nel 20ᵘ estáu en ser almitíu na Xunión. Pa 1860 yera l'estáu del país que producía más algodón, y el 55% de la so población taba formada por esclavos[3] que trabayaben nes sos plantaciones. Mississippi separtose de la Xunión el 23 de marzu de 1861 y convirtióse nún de los siete Estaos Confederaos orixinales, que yeren los que teníen el mayor númberu d'esclavos del país. Tres de la guerra, reincorporose a la Xunión el 23 de febreru de 1870[4].

Hasta la Gran Migración, na década del 1930, la mayoría de la so población seguía siendo de raza negra. Y magar que'l so porcentaxe rellativu foi menguando, en 2010 entá'l 37,3% de los sos habitantes son afroestauxunidenses: esti ye'l mayor porcentaxe de cualisquier estáu del país.

Demientres la dómina del movimientu polos derechos civiles (1954-1968) asocedieron dellos fechos relevantes nel estáu, como los disturbios provocaos na Universidá de Mississippi en 1962 por estudiantes segregacionistes de raza blanca opuestos a la inscripción como alumnu d'una persona de raza negra, l'asesinatu en 1963 del activista afroamericanu Medgar Evers, o el secuestru y asesinatu, en 1964, de trés activistes afroestauxunidenses en Philadelphia.

L'estáu ye ún de los más probes del país[5], y aveza a tar nos llugares más baxos nos ránking que miden los niveles de salú[6], educación[7] y desarrollu de la so población.

Orográficamente asítiase na Llanada Costera del Golfu, y el so territoriu ye mayormente de llanadas, salpicaes de cuetos y colines de pocu altor. La fastera noroccidental del so territoriu ocúpala la rexón del delta del Mississippi, que ye parte de la Llanada Aluvial del Mississippi, creada por esti ríu al travesar de norte a sur siete estaos del país. El puntu más altu del estáu ye'l monte Woodall, con 246 m d'altor sobre'l nivel del mar, asitíau xuntu a la meseta de Cumberland; el más baxu ye'l golfu de Mexicu. El clima del estáu ye subtropical húmedu.

Referencies

  1. U.S. Census Bureau Quickfacts: Jackson City, Mississippi, na web de la Oficina del Censu de los Estaos Xuníos.
  2. U.S. Census Bureau: County Population Totals: 2010-2019, na web de la Oficina del Censu d'Estaos Xuníos.
  3. Dattel ER, Cotton in a Global Economy: Mississippi (1800-1860), artículu na web Mississippi History Now.
  4. Richter WL, The A to Z of the Civil War and Reconstruction. Lanham, Scarecrow Press, 1942. ISBN 9780810863361
  5. State Median Household Income Patterns: 1990-2010.
  6. Mississippi nel America's Health Ranking Report 2020.
  7. Percent of People Who Have Completed High School (Including Equivalency) (most recent) by state (2004), na web statemaster.com.

Enllaces esternos

  • Páxina oficial del Estáu de Mississippi
Control d'autoridaes
  • Proyeutos Wikimedia
  • Wd Datos: Q1494
  • Commonscat Multimedia: Mississippi (state)

  • Identificadores
  • WorldCat
  • VIAF: 140657496
  • ISNI: 0000 0004 0427 8210
  • BNF: 120326006 (data)
  • GND: 4039588-1
  • LCCN: n79138969
  • NDL: 00654247
  • NKC: ge130027
  • NARA: 10045240
  • SUDOC: 026629631
  • Diccionarios y enciclopedies
  • Britannica: url
  • Llugares
  • OSM: 161943
  • TGN: 7007522
  • Identificadores médicos
  • MeSH: D008922
  • Wd Datos: Q1494
  • Commonscat Multimedia: Mississippi (state)